ਬਾਊਲ ਕੈਂਸਰ ਆਸਟ੍ਰੇਲੀਆ ਵਿੱਚ ਕੈਂਸਰ ਨਾਲ ਹੋਣ ਵਾਲੀਆਂ ਮੌਤਾਂ ਦਾ ਦੂਜਾ ਸਭ ਤੋਂ ਵੱਡਾ ਕਾਰਨ ਹੈ। ਇਹ ਪੁਰਸ਼ਾਂ ਅਤੇ ਔਰਤਾਂ ਦੋਵਾਂ ਨੂੰ ਪ੍ਰਭਾਵਿਤ ਕਰਦਾ ਹੈ ਅਤੇ ਇਹ ਬਿਨਾਂ ਕਿਸੇ ਲੱਛਣ ਦੇ ਵਿਕਸਿਤ ਹੋ ਸਕਦਾ ਹੈ। ਜਦੋਂ ਇਸ ਦਾ ਜਲਦੀ ਪਤਾ ਲਗਾ ਲਿਆ ਜਾਂਦਾ ਹੈ, ਤਾਂ ਲਗਭਗ ਸਾਰੇ ਮਾਮਲਿਆਂ ਦਾ ਸਫ਼ਲ ਇਲਾਜ ਕੀਤਾ ਜਾ ਸਕਦਾ ਹੈ। ਤੁਸੀਂ ਬਾਊਲ ਕੈਂਸਰ ਦਾ ਪਤਾ ਲਗਾਉਣ ਵਿੱਚ ਮੱਦਦ ਕਰਨ ਲਈ ਘਰ ਵਿੱਚ ਇੱਕ ਛੇਤੀ ਨਾਲ ਕੀਤਾ ਜਾਣਾ ਵਾਲਾ ਅਤੇ ਮੁਫ਼ਤ ਬਾਊਲ ਸਕ੍ਰੀਨਿੰਗ ਟੈਸਟ ਕਰ ਸਕਦੇ ਹੋ। ਇਹ ਤੁਹਾਡੀ ਜਾਨ ਬਚਾਅ ਸਕਦਾ ਹੈ।
ਬਾਊਲ ਕੈਂਸਰ ਦਾ ਖ਼ਤਰਾ ਉਮਰ ਦੇ ਨਾਲ ਵੱਧਦਾ ਹੈ। ਇਹ ਬਿਨਾਂ ਕਿਸੇ ਪਰਿਵਾਰਕ ਇਤਿਹਾਸ (ਫੈਮਿਲੀ ਹਿਸਟਰੀ) ਦੇ ਅਤੇ ਬਿਨਾਂ ਕੋਈ ਲੱਛਣ ਦਿਖਾਏ ਵਿਕਸਿਤ ਹੋ ਸਕਦਾ ਹੈ।
ਇਹ ਵੱਡੀ ਅੰਤੜੀ ਦੇ ਹੇਠਲੇ ਭਾਗ ਜਾਂ ਗੁਦਾ (ਪਾਚਨ ਪ੍ਰਣਾਲੀ ਦੇ ਹੇਠਲੇ ਹਿੱਸੇ) ਦੇ ਕਿਸੇ ਵੀ ਹਿੱਸੇ ਵਿੱਚ ਹੋ ਸਕਦਾ ਹੈ। ਬਾਊਲ ਕੈਂਸਰ ਬਾਊਲ ਦੀ ਅੰਦਰਲੀ ਪਰਤ ਤੋਂ ਜਾਂ ਅੰਤੜੀ ਦੀ ਕੰਧ 'ਤੇ ਪੈਦਾ ਹੋਏ ਛੋਟੇ ਵਾਧੇ ਤੋਂ ਵਧਣਾ ਸ਼ੁਰੂ ਹੋ ਸਕਦਾ ਹੈ ਜਿਸ ਨੂੰ ਐਡੇਨੋਮਾਸ ਜਾਂ ਪੌਲੀਪਸ ਕਿਹਾ ਜਾਂਦਾ ਹੈ।
ਜੇਕਰ ਇਸ ਦਾ ਪਤਾ ਨਾ ਲੱਗੇ, ਤਾਂ ਬਾਊਲ ਕੈਂਸਰ ਅੰਤੜੀਆਂ ਦੀ ਕੰਧ, ਲਸਿਕਾ ਗ੍ਰੰਥੀਆਂ (ਗਲੈਂਡਾਂ) ਅਤੇ ਫਿਰ ਹੋਰ ਅੰਗਾਂ ਵਿੱਚ ਫ਼ੈਲ ਸਕਦਾ ਹੈ।
ਜੇਕਰ ਜਲਦੀ ਪਤਾ ਲੱਗ ਜਾਵੇ, ਤਾਂ ਬਾਊਲ ਦੇ 90% ਕੈਂਸਰਾਂ ਦਾ ਸਫ਼ਲ ਇਲਾਜ ਕੀਤਾ ਜਾ ਸਕਦਾ ਹੈ। ਦੇਰੀ ਨਾ ਕਰੋ, ਅੱਜ ਹੀ ਆਪਣਾ ਮੁਫ਼ਤ ਟੈਸਟ ਕਰੋ!
ਕੀ ਤੁਸੀਂ ਜਾਂ ਤੁਹਾਡਾ ਕੋਈ ਜਾਣਕਾਰ 45-74 ਸਾਲ ਦੀ ਉਮਰ ਦਾ ਹੈ? ਜੇ ਹਾਂ, ਤਾਂ ਆਪਣੇ ਅਜ਼ੀਜ਼ ਨਾਲ ਬਾਊਲ ਸਕ੍ਰੀਨਿੰਗ ਟੈਸਟ ਦੀ ਜਾਣਕਾਰੀ ਸਾਂਝੀ ਕਰੋ ਜਾਂ ਹੋਰ ਸਹਾਇਤਾ ਲਈ ਆਪਣੇ ਜੀਪੀ ਨਾਲ ਸੰਪਰਕ ਕਰੋ।
ਬਾਊਲ ਸਕ੍ਰੀਨਿੰਗ ਟੈਸਟ ਇੱਕ ਸਧਾਰਨ, ਮੁਫ਼ਤ ਅਤੇ ਘਰ ਵਿੱਚ ਪੂਰਾ ਕਰਨ ਵਾਲਾ ਟੈਸਟ ਹੈ। 45 ਤੋਂ 49 ਸਾਲ ਦੀ ਉਮਰ ਦੇ ਲੋਕ ਹੁਣ ਆਪਣੀ ਪਹਿਲੀ ਮੁਫ਼ਤ ਬਾਊਲ ਕੈਂਸਰ ਸਕ੍ਰੀਨਿੰਗ ਕਿੱਟ ਮੰਗਵਾਉਣ ਦੀ ਬੇਨਤੀ ਕਰਕੇ ਨੈਸ਼ਨਲ ਬਾਊਲ ਕੈਂਸਰ ਸਕ੍ਰੀਨਿੰਗ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋ ਸਕਦੇ ਹਨ। 50 ਤੋਂ 74 ਸਾਲ ਦੀ ਉਮਰ ਦੇ ਲੋਕ, ਜਿਨ੍ਹਾਂ ਦੀ ਸਕ੍ਰੀਨਿੰਗ ਦਾ ਸਮਾਂ ਆ ਗਿਆ ਹੈ, ਉਹਨਾਂ ਨੂੰ ਹਰ ਦੋ ਸਾਲਾਂ ਵਿੱਚ ਇੱਕ ਮੁਫ਼ਤ ਬਾਊਲ ਸਕ੍ਰੀਨਿੰਗ ਟੈਸਟ ਪ੍ਰਾਪਤ ਹੋਣਾ ਜਾਰੀ ਰਹੇਗਾ। ਜੇਕਰ ਤੁਹਾਡੀ ਕਿੱਟ ਗੁਆਚ ਗਈ ਹੈ ਜਾਂ ਤੁਹਾਨੂੰ ਪ੍ਰਾਪਤ ਨਹੀਂ ਹੋਈ ਹੈ, ਤਾਂ ਤੁਸੀਂ ਇਸਨੂੰ ਇੱਥੋਂ ਦੁਬਾਰਾ ਮੰਗਵਾ ਸਕਦੇ ਹੋ (ਅੰਗਰੇਜ਼ੀ ਵਿੱਚ ਵੈੱਬਸਾਈਟ: www.ncsr.gov.au/boweltest) ਜਾਂ ਟੈਲੀਫ਼ੋਨ ਇੰਟਰਪ੍ਰੇਟਰ ਸਰਵਿਸ (TIS) ਨੂੰ 131 450 'ਤੇ ਕਾਲ ਕਰ ਸਕਦੇ ਹੋ। ਜੇਕਰ ਤੁਸੀਂ 45 ਸਾਲ ਤੋਂ ਘੱਟ ਉਮਰ ਦੇ ਹੋ ਅਤੇ ਤੁਹਾਨੂੰ ਬਾਊਲ ਕੈਂਸਰ ਬਾਰੇ ਚਿੰਤਾਵਾਂ ਹਨ, ਤਾਂ ਤੁਰੰਤ ਆਪਣੇ ਜੀਪੀ ਨੂੰ ਮਿਲੋ।
ਬਾਊਲ ਕੈਂਸਰ ਲਈ ਸਕ੍ਰੀਨਿੰਗ ਵਿੱਚ ਫੀਕਲ ਓਕਲਟ ਬਲੱਡ ਟੈਸਟ (FOBT) ਸ਼ਾਮਲ ਹੁੰਦਾ ਹੈ। ਇਹ ਟੈਸਟ ਪੂ (ਟੱਟੀ) ਵਿੱਚ ਖ਼ੂਨ ਦੇ ਨਿਸ਼ਾਨਾਂ ਦੀ ਜਾਂਚ ਕਰਦਾ ਹੈ, ਜੋ ਮਨੁੱਖੀ ਅੱਖ ਨੂੰ ਦਿਖਾਈ ਨਹੀਂ ਦਿੰਦੇ ਹਨ, ਅਤੇ ਇਹ ਬਾਊਲ ਕੈਂਸਰ ਦਾ ਸੰਕੇਤ ਹੋ ਸਕਦੇ ਹਨ।
ਜਿਵੇਂ-ਜਿਵੇਂ ਤੁਸੀਂ ਉਮਰ ਦਰਾਜ਼ ਹੁੰਦੇ ਹੋ, ਬਾਊਲ ਕੈਂਸਰ ਹੋਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਨਿਯਮਿਤ ਸਕ੍ਰੀਨਿੰਗ ਅਤਿ ਮਹੱਤਵਪੂਰਨ ਹੈ ਕਿਉਂਕਿ ਬਾਊਲ ਕੈਂਸਰ ਲੱਛਣਾਂ ਜਾਂ ਪਰਿਵਾਰਕ ਇਤਿਹਾਸ ਤੋਂ ਬਿਨਾਂ ਵੀ ਹੋ ਸਕਦਾ ਹੈ। ਆਪਣੇ ਪਰਿਵਾਰ ਨਾਲ ਲੰਬੀ ਅਤੇ ਸਿਹਤਮੰਦ ਜ਼ਿੰਦਗੀ ਜਿਉਣ ਲਈ ਬਾਊਲ ਕੈਂਸਰ ਦੀ ਸਕ੍ਰੀਨਿੰਗ ਮਹੱਤਵਪੂਰਨ ਹੈ, ਇਸ ਲਈ ਇਸ ਨੂੰ ਜ਼ਰੂਰ ਕਰੋ। ਇਹ ਪਤਾ ਲਗਾਓ ਕਿ ਤੁਹਾਨੂੰ ਇਹ ਟੈਸਟ ਕਿਉਂ ਕਰਨਾ ਚਾਹੀਦਾ ਹੈ।
ਬਾਊਲ ਕੈਂਸਰ ਬਿਨਾਂ ਕਿਸੇ ਲੱਛਣਾਂ ਤੋਂ ਵੀ ਵਿਕਸਿਤ ਹੋ ਸਕਦਾ ਹੈ। ਪਰ ਬਾਊਲ ਕੈਂਸਰ ਵਾਲੇ ਬਹੁਤ ਸਾਰੇ ਲੋਕ ਕੁੱਝ ਕੁ ਸੰਕੇਤਾਂ ਜਾਂ ਨਿਸ਼ਾਨਾਂ ਨੂੰ ਦੇਖਦੇ ਹਨ। ਇਨ੍ਹਾਂ ਵਿੱਚ ਸ਼ਾਮਲ ਹੋ ਸਕਦੇ ਹਨ:
ਜੇਕਰ ਤੁਸੀਂ ਇਨ੍ਹਾਂ ਵਿੱਚੋਂ ਕੋਈ ਵੀ ਲੱਛਣ ਦੇਖਦੇ ਹੋ, ਤਾਂ ਇਹ ਜ਼ਰੂਰੀ ਹੈ ਕਿ ਤੁਸੀਂ ਤੁਰੰਤ ਆਪਣੇ ਜੀਪੀ ਨਾਲ ਗੱਲ ਕਰੋ।
ਕੁੱਝ ਚੀਜ਼ਾਂ ਜੋ ਬਾਊਲ ਕੈਂਸਰ ਦੇ ਤੁਹਾਡੇ ਜ਼ੋਖਮ ਨੂੰ ਵਧਾ ਸਕਦੀਆਂ ਹਨ, ਜਿਵੇਂ ਕਿ:
ਤੁਸੀਂ ਆਪਣੇ ਬਾਊਲ ਕੈਂਸਰ ਦੇ ਖ਼ਤਰੇ ਨੂੰ ਇਸ ਤਰ੍ਹਾਂ ਘਟਾ ਸਕਦੇ ਹੋ:
ਭਾਵੇਂ ਤੁਹਾਡੀ ਉਮਰ ਕੁੱਝ ਵੀ ਹੋਵੇ, ਜੇਕਰ ਤੁਹਾਨੂੰ ਕੋਈ ਨਿਸ਼ਾਨੀਆਂ ਜਾਂ ਲੱਛਣ ਮਹਿਸੂਸ ਹੁੰਦੇ ਹਨ ਤਾਂ ਤੁਹਾਨੂੰ ਜਿੰਨੀ ਜਲਦੀ ਹੋ ਸਕੇ ਆਪਣੇ ਜੀਪੀ ਨਾਲ ਗੱਲ ਕਰਨੀ ਚਾਹੀਦੀ ਹੈ। ਲੱਛਣਾਂ ਵਿੱਚ ਬਾਊਲ ਆਦਤਾਂ ਵਿੱਚ ਤਬਦੀਲੀ, ਤੁਹਾਡੇ ਮਲ-ਤਿਆਗ ਵਿੱਚ ਖ਼ੂਨ, ਪੇਟ ਦਰਦ, ਬੇਵਜ੍ਹਾ ਥਕਾਵਟ ਜਾਂ ਵਜ਼ਨ ਘਟਣਾ ਸ਼ਾਮਲ ਹੋ ਸਕਦਾ ਹੈ।
ਤੁਹਾਡਾ ਬਾਊਲ ਕੈਂਸਰ ਦਾ ਪਰਿਵਾਰਕ ਇਤਿਹਾਸ ਹੈ, ਜੇਕਰ:
ਜਿਨ੍ਹਾਂ ਲੋਕਾਂ ਨੂੰ ਬਾਊਲ ਕੈਂਸਰ ਹੁੰਦਾ ਹੈ, ਉਨ੍ਹਾਂ ਵਿੱਚੋਂ 75% ਤੋਂ ਵੱਧ ਲੋਕਾਂ ਦਾ ਇਸ ਬਿਮਾਰੀ ਨਾਲ ਕੋਈ ਪਰਿਵਾਰਕ ਇਤਿਹਾਸ ਨਹੀਂ ਹੁੰਦਾ। ਜੇ ਤੁਹਾਨੂੰ ਲੱਗਦਾ ਹੈ ਕਿ ਤੁਹਾਡੇ ਪਰਿਵਾਰ ਵਿੱਚ ਬਾਊਲ ਕੈਂਸਰ ਦਾ ਇਤਿਹਾਸ ਹੈ, ਤਾਂ ਆਪਣੇ ਜੀਪੀ ਨਾਲ ਗੱਲ ਕਰੋ।
ਹੋਰ ਜਾਣਕਾਰੀ ਲਈ, ਨੈਸ਼ਨਲ ਬਾਊਲ ਕੈਂਸਰ ਸਕ੍ਰੀਨਿੰਗ ਪ੍ਰੋਗਰਾਮ ਦੀ ਵੈੱਬਸਾਈਟ 'ਤੇ ਜਾਓ ਜਾਂ ਆਪਣੇ ਜੀਪੀ ਨਾਲ ਗੱਲ ਕਰੋ।